Эндиликда ҳар бир оила аъзоси учун алоҳида атир харид қилишга ҳожат йўқ. Бир атирни эркак ҳам, аёл ҳам сепиши мумкин. Қуйида қайси атирлар иккала жинс вакилларига тўғри келишига тўхталиб ўтамиз.
Au The Noir, BVLGARI
Аёллар ҳам эркаклар ҳам фойдаланиши мумкин бўлган атир сепишни энди бошламоқчи бўлганларга аввалига ўткир ифорли бўлмаган вариантларга эътибор қаратиш тавсия қилинади. Аккорди қора чой бўлган Eau Parfumee au The Noir ифори узоқ вақт туриш билан бирга ўткир бўлмаган атир яхши вариант.
Santal Massoia, Hermès,
Ушбу атирда қуйилтирилган сут («сгушёнка»), сандал дарахти ва массоя ифорлари умумлашмаси мужассам. Ушбу ифор икки жинс вакилларига ҳам тўғри келади.
Velvet Rose&Oud, Jo Malone
Ушбу ифорни яратиш учун атиргуллар айнан қуёш кўкка бўй чўзаётган вақтда териб тозаланади. Гап шундаки, тонгда гуллар ифори максимал даражада хушбўй бўлади. Атиргул ифорда асосий ролни ўйнаса, чиннигулнинг қўшилиши унинг фақат аёлларга хос бўлмаслигини таъминлаб, жўшқинлик бахш этади.
Trouble-Fête, Givenchy
1952 йилда Юбер де Живанши либосни универсал қилиб, услуб борасидаги стандартларни ўзгаришига сабабчи бўлган. Корсетлар мода чўққисида бўлган бир вақтда кўриниши аёлларники каби нозик бўлмаган шу билан бирга, қулай кўйлак ва юбкалар тақдим қилгани сабаб унга мода олами исёнчиси таърифи берилган. Givenchy брендига мансуб Trouble-Fête атирида мана шундай ўзига хосликни кўриш мумкин. Унинг номи ҳам француз тилидан «исён» деб таржима қилинади. Ушбу ифордан фойдаланишда гендер чегара йўқдек тасаввур туғилади. Занжабил, кунжут ва кўкатлар асосида тайёрланган атир эркак ва аёлларга бирдек мос тушади.
Bal D’Afrique, Byredo
Ушбу атир Африка аёллари, уларнинг ўзига хос гўзаллигидан илҳомланган ҳолда яратилган. Унда экзотик гуллар, тропик ўрмон, вино ва мевалар ҳиди мужассам.
Haute Provence/89, Parle Moi de Parfum
Францияда жойлашган Провансга бағишлаб яратилган ушбу ифор лаванда, тарвуз-қовун ҳамда нарсиссни ёдга солади. Узоқ вақт турадиган шу билан бирга ҳар гал янги ифордек тараладиган атир истайдиганлар учун Haute Provence/89’дан фойдаланиш тавсия қилинади.
Kiani, Thameen London
Ушбу атирда зумрад тош ва бриллиантлар талқини таралгандек ифорни ҳис қилиш мумкин. У эркаклар учун мўлжаллангани билан аёллар учун ҳам тўғри келади.
Molecule 04, Escentric Molecules
Араб мамлакатларида сандал дарахти асосида тайёрланган ифор фақат эркаклар учун ҳисобланади. Моlecula 04 эса сандал ва яванолнинг умумлашмасидан ташкил топади, эркак ҳамда аёллардан бирдек хушбўйлик таралади. Атир танлаганда стереотипларга эмас, юрагингизга қулоқ тутинг.
Source 1, Hermetica
Агар эркак ва аёлларга мўлжалланган ифорнинг асосий ғояси универсаллик бўлса, унда ушбу атирни 100 фоиз ушбу тамойилга жавоб беради дейиш мумкин. Hermetic va Prima Materia коллекцияларида Source 1 парфюм суви асосий роль ўйнайди. Бошқа атирларда ҳам асос сифатида ишлатиш мумкин бўлган Source бошқа ифорларни ўткирроқ таралишига сабаб бўлади.
Another 13, Le Labo
Фото: «Домашний очаг»13 омадсиз рақам, жасмин эса эркаклар ифори эмас, деганлар ушбу атирни сепганидан кейин фикри ўзгариши аниқ. Атирда 13 хил ингредиентдан фойдаланилган бўлиб, унда жасмин ва мускус асосий роль ўйнайди.
Изоҳ (0)