Sirdaryo viloyatining Guliston tumanida ikki Nexia to‘qnashishi oqibatida bir kishi halok bo‘ldi. Bu haqda viloyat IIB axborot xizmati xabar berdi.
Voqea 10-avgust kuni soat 09:55 larda sodir bo‘lgan. Haydovchi N.Sh. Nexia mashinasini tumanning Alisher Navoiy MFY hududidan o‘tgan 4R-27 avtomobil yo‘lining 20-kilometrida Guliston—Dehqonobod yo‘nalishida haydab ketayotgan bo‘lgan.
Boshqaruvni yo‘qotib, qarama-qarshi yo‘nalishda harakatlanib kelayotgan haydovchi A.Sh. boshqaruvidagi Nexia’ning old o‘ng tomoniga urilib YTH sodir etgan.
Oqibatda yo‘lovchi O‘.S. olgan tan jarohatlari og‘irligidan vafot etgan. Haydovchi N.Sh va yo‘lovchilar P.G. va H.O. tan jarohati olib shifoxonaga yotqizilgan.
Avvalroq Sirdaryoda Nexia Howo yuk mashinasi bilan to‘qnashishi oqibatida haydovchi halok bo‘lgani, Isuzu urgan Lacetti yonib ketgani haqida xabar berilgan edi.
Mavzuga doir:
- Buxoroda nosoz “Moskvich” ariqqa tushib ketishi oqibatida ikki kishi halok bo‘ldi
- Jizzaxda Lada Largus hamda Isuzu yuk mashinasi ishtirokida YTH sodir bo‘ldi. Yengil mashinadagi ikki nafar yo‘lovchi vafot etgan
- Qashqadaryoda “Kamaz” haydovchisi qishloq hududidagi ichki yo‘lda 7 yoshli qizchani urib yubordi. Qizaloq voqea joyida halok bo‘lgan