Ижтимоий тармоқда «ГАИ акамиздан авто-трюкни додаси» сарлавҳаси остида ЙПХ ходимининг хизмат автомашинасида турли манёврларни бажараётгани тасвирланган видео тарқалди. ЙҲХББ 21 август куни тарқалган ушбу видеодаги ҳолат бўйича муносабат билдирди.
Муносабатда билдирилишича, 15 августдан 5 сентябрга қадар Фарғона вилояти, Қўқон шаҳрида «Халқаро умумармия ўйинлари — 2020» доирасида «Йўл-патруль» кўрик танлови ўтказилиши режалаштирилган ва айни вақтларда ўтказилмоқда.
Ушбу мусобақада иштирок этиш учун ДЙҲХ хизматининг Тошкент шаҳри, Тошкент, Сирдарё, Фарғона, Андижон ва Наманган вилоятларида хизмат олиб бораётган 25 нафар ходимлари ўзларига бириктирилган патруль автомашиналари билан 19 август куни Фарғона вилоятига етиб борган.
21 август куни ЙПХ ходими Р.Муҳаммедов Ласетти русумли хизмат автомашинасида унинг техник ҳолати, созлиги ва чидамлилигини текшириш мақсадида танлов
олди машғулотлар олиб бораётган вақтида ушбу ҳолат атрофда томоша қилаётган қатнашчилар ва фуқаролар томонидан тасвирга олиниб, ижтимоий тармоқларга тарқатилган.
«Фуқаролардан ушбу ҳолатни тўғри тушунишларини сўраб, ходимларимизга нуфузли халқаро танловда омад ёр бўлишини тилаб қоламиз», — дейилади муносабатда.
Мавзуга доир:
Изоҳ (0)