Коронавирусга қарши курашиш штаби аъзоси Барно Абдусаматова Ўзбекистонда ОАВда касалланганлар сони камаяётгани, тузалаётганлар кўпайиши фонида хориждан шифокорлар келаётганини изоҳлади.
Пандемия тез ривожланаётганлиги сабабли бутун дунё олимлари ҳам бир жойда тўхтамаяпти, улар доимий изланишда. Вируснинг янги қирралари ҳамда янги даволаш усуллари устида мунтазам иш олиб борилмоқда. Ҳозирги кунга келиб касаллар сони, унинг кечиши ўзгарганлиги ва ЖССТ тавсиялари касалликни ўрганган сари ўзгараётганлиги сабабли тавсиялар ҳам ўзгариб бориши табиий ҳол. Ҳар бир давлат тавсияларни маҳаллий шароитларга мослашган ҳолда ишлаб чиқади ва ҳар қандай вақтда уни тўлдириши ёки ўзгартириши мумкин. Шунинг учун ривожланган мамлакатларнинг малакали мутахассислари билан мунтазам тажриба алмашиниб туриш ҳозирги кун талаби.Абдусаматованинг таъкидлашича, хориждан келган реаниматолог, пульмонолог, инфекционист, вирусолог, кардиолог, эндокринолог каби шифокорлар даволаш муассасаларида маҳаллий шифокорлар билан фаол иш олиб бормоқда.Барно Абдусаматова, Коронавирусга қарши курашиш штаби аъзоси
Улар Эпидемиология, микробиология ва юқумли касалликлар илмий текшириш институти, Вирусология илмий текшириш институти клиникалари, Зангиота туманидаги юқумли касалликлар шифохонаси, вилоятлардаги ихтисослашган шифохоналарда оғир беморларни консультация қилиш, ўзаро тажриба алмашиш билан шуғулланаётгани қайд этилди. Ўзбекистонлик олимлар юқори малакали мутахассислар ишлаб чиққан протоколлар, тавсиялар ва беморларни касаллик кечиши бўйича саралаш алгоритми билан танишиб чиқмоқда.
Эслатиб ўтамиз, Ўзбекистонга шу вақтгача коронавирусга қарши курашда ёрдам бериш учун 10 нафар германиялик, 15 нафар хитойлик шифокор ва тиббиёт мутахассисидан иборат гуруҳ, таркибида анестезиолог, реаниматолог, юқумли касалликлар бўйича мутахассис, эпидемиолог, терапевт ва кардиолог бор 40 нафар россиялик шифокор келган бўлса, март ойининг охиридан бошлаб Ўзбекистонда кореялик профессор — эпидемиолог Цой Чже Ук, яна бир кореялик анестезиолог-реаниматолог, бир қанча туркиялик мутахассислар, Германиянинг етакчи тиббиёт мутахассисларидан бўлмиш профессор Вернер Бер фаолият юритган.
Изоҳ (0)