Бухоро вилоятининг Ғиждувон туманида уч туп каннабис ўсимлигини парваришлаган фуқарога жиноий иш қўзғатилди. Бу ҳақда «Дарё»га Бухоро вилоят ИИБ ахборот хизмати раҳбари Шуҳрат Жалолов хабар берди.
Таъкидланишича, Ғиждувон туман Ички ишлар органлари фаолиятини мувофиқлаштириш бошқармаси жиноят қидирув бўлими тезкор ходимлари томонидан кенг қамровли «Қорадори-2020» тадбири ўтказилган.
«Соҳибиён» маҳалласида яшовчи 46 ёшли фуқаро Р.У. ўз яшаш ҳовлисининг томорқасида жами уч туп марказий пояси, илдизлари ҳамда баргларига эга, баландлиги 150-170 см, ҳўл (қуритилмаган) ва таркибида гиёҳвандлик воситалари бўлган каннабис гиёҳвандлик ўсимликларини экиб, парваришлаб келгани аниқланган. Каннабис ўсимлиги холислар иштирокида тегишли тартибда ҳужжатлаштирилиб олинган.
Мазкур ҳолат юзасидан Р.У.га нисбатан Жиноят кодексининг 270-моддаси 1-қисми (тақиқланган экинларни етиштириш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Изоҳ (0)