Қашқадарё вилояти Нишон туманидаги биринчи секторга қарашли «Нишон» ва «Гулзор» маҳаллаларида оқова сув таъминоти яна йўлга қўйилди, деб хабар берган Қашқадарё вилояти ҳокимлигининг ахборот хизмати.
«Маҳаллий аҳоли «Эски Нишон» деб атайдиган ушбу ҳудудлар 31 йил аввал оқова сув таъминоти тўхтаган. Оқибатда одамлар ўз томорқасини суғориш учун «качалка» насослардан фойдаланишга мажбур бўлган.
Мурожаатларни ўрганган туман мутасаддилари муаммонинг ечимини топишга киришиб, ҳудудга Р-2 каналидан қувур тортилган», – дейилади хабарда.
«Нишон» МФЙ раиси Музаффар Туроповнинг айтишича, трансформатор, қувурлар туман ҳокимлиги томонидан ажратилган бўлса, қурилиш-монтаж ишлари ҳашар йўли билан амалга оширилган.
Ҳокимлик ахборотида қайд этилишича, тумандаги «Нишон» МФЙда 747 та, «Гулзор» МФЙда 821 та хонадон бор.
Аввалроқ Бухорода сув таъминотини яхшилашга 4 йил ичида 437,6 миллион АҚШ доллари сарф қилиниши ҳақида хабар берилганди.
Изоҳ (0)