Еврокомиссия раиси Урсула фон дер Ляйен Европа Иттифоқининг Беларусь халқини қийин дамларда қўллаб-қувватлаш учун 53 миллион евро миқдорида маблағ ажратишга тайёр эканини маълум қилди. Бу ҳақда Sky News журналисти Эндрю Коннелл Twitter’да хабар берган.
Пуллар Беларусь фуқаролик жамиятига ва мамлакатдаги ёрдамга муҳтож одамларга етказиб берилиши режалаштирилган.
19 августда ЕИ иштирокчи-давлатлари раҳбарларининг саммити бўлиб ўтган ва унда Беларусдаги вазият муҳокама қилинган. Саммит қатнашчилари Беларусда ўтган сайловлар натижаларини тан олмади ва норозилик вақтида кучишлатар тизимлар орқали фуқароларга зулм ўтказган мамлакатдаги амалдорларга нисбатан санкциялар қўллашга қарор қилди.
Беларусь МСК берган расмий маълумотларга кўра, 9 августда ўтказилган президентлик сайловларида Александр Лукашенко 80,1 фоиз овоз билан ғалаба қозонган. Мухолифат номзоди Светлана Тихановская эса 10,1 фоиз овоз билан иккинчи ўринни эгаллаган. Ғолибдан ташқари барча номзодлар сайловларнинг якуний натижалари юзасидан норозилик билдирган. 9 август куни Беларусда сайловларнинг дастлабки натижалари эълон қилинганидан кейин кўчаларда халқнинг ушбу ҳолатга нисбатан норозилик намойишлари бошлаган.
Мавзуга доир: Беларусда нима гап? 19 августнинг асосий воқеалари
Бунга қадар Канада, Ирландия ва Буюк Британия каби давлатлар Беларусдаги президентлик сайлови натижаларини тан олмаслигини маълум қилганди. АҚШ президенти Дональд Трамп ҳам Беларусда юз бераётган воқеаларга муносабат билдирган.
Шунингдек, Еврокомиссия иттифоқ мамлакатларни Минскка қарши санкциялар қўллашга тайёр деб баҳолаётгани ҳақида хабар берилган. БМТ бош котиби Беларусда сайловлардан кейин юзага келган можарони тинчлик йўли билан ҳал қилишга чақирган. Европа парламенти Лукашенкога Persona non grata мақомини берган ва Москвадан Беларусь ишларига аралашмасликни сўраган.
Изоҳ (0)