Коронавирусга қарши Хитой томонидан яратилган вакцина декабрь охирларида бозорга чиқади. Вакцина 144 доллардан сотувга чиқади. Бу ҳақда Sinopharm фармацевтика корпорацияси раҳбари Лю Цзинчжэнга таяниб, Reuters хабар берди.
Таъкидланишича, дори воситаси 2020 йилнинг охирида сотувга чиқади. Ҳозирда вакцина БААда учинчи — якуний босқич синовларидан ўтказилмоқда. Ухань ва Пекиндаги заводлар йилига 2 миллион доза вакцина ишлаб чиқариш қувватига эга.
Аввалроқ Американинг Moderna компаниясига тегишли коронавирус вакцинасининг дозаси 25—30 доллар атрофида бўлиши ҳақида хабар берилганди. Эмлаш курси эса 50—60 долларга баҳоланган. АҚШ аҳолиси учун вакцина бепул бўлади — дори воситасини давлат сотиб олади.
Moderna рақибларида эса вакцина нархи бундан ҳам арзон: Американинг Pfizer ва Германиянинг BioNTtech компаниялари АҚШга 100 миллион доза вакцинани 19,5 доллардан сотишни режалаштирмоқда. Британия—Швециянинг AstraZeneca компанияси эса вакцина дозасини 3—4 доллардан етказиб бериш ниятида.
Мавзуга доир:
- 2020 йилнинг сентябрида вакцинани кутиш ўринлими? Коронавирусга қарши вакцинанинг муаллифи Денис Логунов билан катта интервью
- Қозоғистонда коронавирусга қарши вакцина яратган тадқиқотчи уни ўзида синаб кўрди
- Россияликлар коронавирусга қарши вакцина билан бир йил ичида тўлиқ таъминланиши мумкин
- Ҳиндистон коронавирусга қарши учта вакцинани синовдан ўтказмоқда ва уларни ишлаб чиқаришга тайёр
Изоҳ (0)