Ўзбекистонда 2020 йилнинг январь—июль ойлари давомида 92 026 та ўлим ҳолати қайд этилди. Бу ҳақда Давлат статистика қўмитасига таяниб «Xabar.uz» хабар берди.
Қўмита маълумотларига кўра, июль ойида нисбатан кўп, яъни 17 369 та ўлим ҳолати қайд этилган.
Йил бошидан июль ойигача 92 026 та ўлим рўйхатга олинган. Январь ойида 11 136 та, февралда 13 693 та, мартда 12 633 та, апрелда 11 613 та, майда 11 792 та, июнда 13 790 та ўлим ҳисобга олинган.
Маълум қилинишича, 2020 йилнинг 6 ойи давомида қайд этилган ўлимлар сони 2019, 2018 йиллардаги 6 ойлик кўрсаткичларга нисбатан камроқ бўлган. Жумладан, Ўзбекистонда 2020 йилнинг 6 ойида 74 657 та ўлим қайд этилган бўлса, 2018 йилнинг 6 ойи давомида 75,6 минг, 2019 йилда шу даврида эса 75,8 мингта ўлим ҳолати қайд этилган.
Маълумот учун Ўзбекистон Соғлиқни сақлаш вазирлиги мамлакатда коронавирус қайд этилганидан буён 252 киши COVID-19 оқибатида вафот этгани ҳақида хабар берди. «Дарё» ҳисоби бўйича коронавирусга чалингач, вафот этганлар сони 259 нафарни ташкил этмоқда.
Изоҳ (0)