Ўзбекистонда 19 август соат 23:30 дан 20 август соат 23:30 гача коронавирус юқтириб олиш билан боғлиқ 581 та ҳолат қайд этилди. Кетма-кет тўртинчи кун касалланиш ҳолатлари 600 тага етмаяпти. Янги ҳолатлардан сўнг Ўзбекистонда коронавирусга чалинганлар сони 37693 нафарга етди.

ССВ ҳисоби бўйича 254, «Дарё» ҳисоби бўйича 263 киши коронавирус асоратларидан вафот этган.

Фото: Telegram / @ssvmatbuotkotibi

Янги касалланиш ҳолатлари

Янги касалланган 581 кишининг барчаси тана ҳарорати кўтарилгани боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган:

  • Тошкент шаҳрида — 385 нафар;
  • Тошкент вилоятида — 123 нафар;
  • Наманган вилоятида — 30 нафар;
  • Сурхондарё вилоятида — 19 нафар;
  • Хоразм вилоятида — 13 нафар;
  • Андижон вилоятида — 4 нафар;
  • Жиззах вилоятида — 3 нафар;
  • Қашқадарё вилоятида — 2 нафар;
  • Фарғона вилоятида — 2 нафар.

Кун давомида 9 та ҳудудда коронавирус билан касалланиш ҳолати қайд этилди.

Ўлим ҳолатлари ва аҳволи оғир беморлар

ССВ Тошкент шаҳрида 4 нафар, Тошкент вилоятида 1 нафар, Сурхондарё вилоятида 1 нафар, жами 6 нафар коронавирусга чалинган бемор вафот этганини хабар қилди.

Биринчи ўлим. Тошкент шаҳри Учтепа туманида яшаган 65 ёшли К.К. исмли эркак вафот этган.

Иккинчи ўлим. Тошкент шаҳри Мирзо Улуғбек туманида яшаган 54 ёшли I.М. исмли аёл вафот этган.

Учинчи ўлим. Тошкент шаҳри Учтепа туманида яшаган 60 ёшли З.Г. исмли аёл вафот этган.

Тўртинчи ўлим. Тошкент шаҳри Учтепа туманида яшаган 72 ёшли А.Т. исмли эркак вафот этган.

Бешинчи ўлим. Тошкент вилояти Янгийўл туманида яшаган 68 ёшли М.Б. исмли аёл вафот этган.

Олтинчи ўлим. Сурхондарё вилояти Термиз шаҳрида яшаган 68 ёшли Р.Б. исмли эркак вафот этган.

Ҳозиргача Соғлиқни сақлаш вазирлиги 254 кишининг коронавирус асоратларидан вафот этганини хабар берди. «Дарё» ҳисоби бўйича коронавирусга чалингач, вафот этганлар сони 263 нафарни ташкил этмоқда. Давлат хизматлари агентлиги 15 июль куни Навоий вилоятидаги 61 ёшли ходими Адҳамжон Деҳқонов, Маданият вазирлиги эса 18 июль куни 32 ёшли ходими Акмал Ирисов коронавирус асоратларидан вафот этгани, Олмалиқ шаҳри ҳокимлиги 9 ва 15 июль кунлари шаҳар шифохоналарида вафот этган икки аёлда коронавирус тасдиқлангани ҳақида хабар берган. Шунингдек, 19 июль куни Чилонзор тумани Санитария-эпидемиологик осойишталик маркази бактериология лабораторияси мудири 62 ёшли Марҳабо Аҳмедова, 22 июлда бош прокурорнинг собиқ ўринбосари, Қорақалпоғистон прокуратурасида бўлим бошлиғи бўлиб ишлаётган 66 ёшли Ҳакимбай Халимов коронавирус асоратларидан вафот этгани хабар қилинган. 31 июль куни Жиноят ишлари бўйича Тошкент вилоят суди судьяси, 53 ёшли Хайриддин Шермуҳамедов, 1 август куни Тойлоқ тумани прокурори Фарҳод Абдухолиқов, Инновацион соғлиқни сақлаш миллий палатаси «Буюк келажак» кенгаши эксперти Санжар Жалолов 58 ёшида вафот этгани хабар берилди. Бироқ ушбу тўққиз ҳолат ҳақида ССВ томонидан айни вақтгача ахборот берилмаган.

Таниқли режиссёр Сарвар Каримов ҳам 17 июль куни отаси коронавирус инфекциясидан вафот этгани, аммо унга ташхис қўйилмаганини маълум қилганди. Режиссёрнинг ўзи ва унинг бошқа оила аъзоларида коронавирус тасдиқланган. Шунингдек, 26 июль куни бош вазир ўринбосари Азиз Абдуҳакимов 24 июль куни Самарқанддаги Ипак йўли халқаро туризм университетининг 33 ёшли магистранти Ўткир Темиров касалликдан вафот этганини айтган. Маълум бўлишича, марҳум ўзида COVID-19’нинг барча белгилари бўлса-да, тест ҳам топшира олмаган, касалхонага ҳам ёта олмаган. Қорақалпоғистоннинг Тахтакўпир тумани шифохонасининг 32 ёшли тез тиббий ёрдам ҳамшираси Алия Жиемуратова 28 июль куни коронавирусдан вафот этгани ҳақида «Makan.uz» хабар тарқатди.

Айни пайтда тиббиёт муассасаларида даволанаётган 3997 нафар бемордан 255 нафари оғир, 66 нафари эса ўта оғир аҳволда.

Касалликдан даволаниш

12 август куни Ўзбекистоннинг 7 та ҳудудида 498 киши коронавирусдан соғайди. 5 августдан сўнг биринчи марта кунлик соғайганлар сони кунлик касалланиш ҳолатларидан кам бўлди.

  • 308 нафари Тошкент шаҳрида;
  • 151 нафари Тошкент вилоятида;
  • 15 нафари Самарқанд вилоятида;
  • 9 нафари Навоий вилоятида;
  • 7 нафари Қорақалпоғистон Республикасида;
  • 5 нафари Андижон вилоятида;
  • 3 нафари Наманган вилоятида касалликдан фориғ бўлди.

Уларнинг қанчаси уй шароитида, қанчаси стационар шароитда даволанганига ССВ аниқлик киритмаган.

Маълумот учун, Ўзбекистонда коронавирус эпидемияси сабаб соғлиқни сақлаш тизимига тушаётган юкламани бир қадар енгиллатиш мақсадида 5 июлдан бошлаб коронавирус инфекцияси аломатсиз кечаётган беморларга уй шароитида даволанишга рухсат берилган, ушбу йўналишда йўриқнома ва эслатмалар ҳам эълон қилинган.

Бироқ Соғлиқни сақлаш вазирлиги коронавирусга чалинганларга доир ахборотларида янги беморларнинг қанчасида касаллик аломатсиз (симптомсиз) кечаётганига аниқлик киритмаяпти, шу боисдан айни вақтда коронавирусдан даволанаётган беморларнинг қанчаси касалхоналарда қолаётгани, қанчаси уй шароитида даволанаётгани маълум эмас.

Ҳозирда касаллик қайд этилган жами 37 693 нафар бемордан 33 442 нафари соғайиб, даволаниш кўрсаткичи 88 фоизни ташкил этмоқда.