Дубай аэропортида COVID-19’ни аниқлаш учун ҳарбий хизмат итларидан фойдаланилмоқда

Дубай амирлигида кинологлар ва уларнинг итларидан аэропортда коронавирусга қарши курашда фойдаланилмоқда. Бу ҳақда Travel and Leisure хабар берган.

Жараёнга кўра итлар коронавирус билан касалланган йўловчиларни ҳидидан топиб беради. Тадқиқотларда ушбу йўл орқали касалланганларни 92 фоиз гача аниқлаш мумкинлиги исботланган.

Итларнинг ҳид билиш қобилияти одамларникидан бир неча марта кучли ва шу сабабли ҳам улардан гиёҳванд моддалар ёки бомбани излаб топишда фойдаланилади.

Итларни коронавирусни аниқлашга ўргатиш — жиддий ва узоқ давом этадиган жараён. Бунинг учун лаборатория, махсус ускуналар ва касалланган кишиларнинг баданидан оққан тер суви керак бўлади.

Дубай аэропорти ушбу усулда COVID-19 билан касалланганларни аниқлай бошлаган биринчи муассаса. Кинологлар ва итлар масофани сақлаган ҳолда одамлар билан суҳбатлашмасдан контактга киришади.

Дубай июль ойида туристлар учун эшикларини очганди. Саёҳатчилар амирлик ҳудудидаги кириш учун COVID-19’га топширилган ва амал қилиш муддати 96 соат давом этувчи манфий хулоса берилган тест ҳақидаги маълумотномани тақдим қилиши зарур.