Тошкент шаҳар Миробод тумани Фарғона йўли кўчасида тормоз тизимида юзага келган носозлик сабабли автокран учта енгил автомобилга зарар етказди. Бу ҳақда Тошкент шаҳар ИИББ хабар берди.
Маълум қилинишича, 14 август куни соат 18:30 ларда Фарғона йўли ва Жарқўрғон кўчалари кесишмасида 28 ёшли М.А. «МАЗ» русумли автокранни бошқариш давомида 57 ёшли Ҳ.Ж. бошқарувидаги йўл четида носозлик сабабли тўхтаб турган Mazda автомобилига тўқнашган. Автокран ҳайдовчисининг сўзларига кўра, ЙТҲга тормоз тизимининг ишдан чиққанлиги сабаб бўлган.
Инерсия бўйича ҳаракатни давом эттирган автокран ағдарилиб, светофорнинг тақиқловчи белгиси остида тўхтаб турган 34 ёшли С.А.нинг Spark ва 52 ёшли Б.Х.нинг Nexia автомобили устига йиқилган.
ЙТҲ натижасида Mazda автомобили йўловчиси 23 ёшли С.Ю. тан жароҳатлари билан шифохонага ётқизилган.
Изоҳ (0)