АОКА ҳузуридаги штабда ташкил этилган брифингда Тошкент шаҳар транспорт бошқармаси бошлиғи Анвар Жўраев яқин 3 ойда Тошкент шаҳрида жамоат транспорти йўналиш тармоғи оптималлаштирилишини маълум қилди.
«Яқин кунларда жамоат транспорти йўналиш тармоғини оптималлаштириш белгиланган эди. Мана, метрополитен фаолияти тикланди. Оптималлаштириш яқин 3 ойда амалга ошириши белгиланган. Ҳар бир йўналишни очиш, қисқартириш, ўзгартириш, ёпиш ҳақида алоҳида эълонлар орқали йўловчиларга етказилади», —дейди мутахассис.
Бундан ташқари, Жўраев «Тошшаҳартрансхизмат» ва Тошкент метрополитени томонидан автоматлаштирилган тўлов тизими ташкил этилгани, йўловчиларга имкон қадар электрон тўлов тизимидан фойдаланиш тавсия қилинишини билдирди. Электрон тўлов карталарини Тошкент шаҳридаги 89 та ойлик йўл чипталарини сотувчи шаҳобчалар ва барча метрополитен кассаларидан сотиб олиш мумкин.
Мавзуга доир: Тошкентдаги автобусларга электрон тўловларни қабул қилиш учун валидаторлар ўрнатилмоқда
Эслатиб ўтамиз, Тошкент шаҳридаги жамоат транспортининг барча турлари, шу жумладан, Тошкент метрополитенининг ерости қисми ҳамда йўналишли таксилар 15 августдан ўз фаолиятини қайта тиклади.
Изоҳ (0)