Ўзбекистонда 2020 йилнинг январь—июль ойларида жисмоний шахслар томонидан сотилган чет эл валютаси миқдори 2,5 миллиард АҚШ долларини ташкил этди. Бу ҳақда Марказий банк хабар берди.
Маълумотларга кўра, ушбу кўрсаткич 2019 йилнинг мос даврига нисбатан 50 фоизга ёки 842 миллион долларга ошган.
Жисмоний шахслар томонидан сотиб олинган валюта ҳажми эса 2 миллиард долларга тенг бўлиб, ушбу кўрсаткич ўтган йилнинг мос даврига нисбатан 3 баробар ошган (2019 йилнинг мос даврида — 686 миллион доллар).
Натижада ушбу операциялар бўйича ижобий сальдо (соф таклиф) 501 миллион долларга етиб, 2019 йилнинг мос даврига нисбатан 489 миллион долларга (ёки 49 фоизга) камайган.
Аввалроқ Ўзбекистон Марказий банки 2020 йилнинг биринчи ярмида хориждан жами 2,4 миллиард долларлик пул жўнатмалари юборилганини маълум қилганди.
Изоҳ (0)