Беларусь президенти Александр Лукашенко атрофидаги айрим одамлар «Кремлдаги алоқалари» билан боғланиб, мамлакатда ҳукумат тўнтариши содир бўлса, Россияга қочиб чиқиш имкониятини муҳокама қилган. Бу ҳақда Bloomberg агентлиги ўзининг Москвадаги иккита манбасига таяниб маълум қилди.
Лукашенконинг ўзи 14 август куни мамлакатни тарк этиши мумкинлиги тўғрисидаги тахминларни рад этган. «Мен ҳозирча тирикман ва хорижда эмасман, айрим ҳурматли ‘ақллилар’ президент мамлакат тарк этиб, хорижда юрибди, деган гап-сўз тарқатмоқда», — дейди у Минскда ўтказилган йиғилишда.
15 август куни Лукашенко Россия президенти Владимир Путин билан телефон орқали суҳбатлашган. Кремлнинг маълум қилишича, президентлар Беларусда юзага келган муаммолар тез орада бартараф этилишига умид билдириб, иттифоқчилик муносабатларини мустаҳкамлаш ниятларини тасдиқлаганлар.
Мавзуга доир:
Александр Лукашенкодан ташқари, президентликка номзодларнинг барчаси сайлов натижаларидан норозилигини билдириб, мамлакат Марказий сайлов комиссиясига шикоят киритган.
Изоҳ (0)