Помидорни исталган фаслда дўкон расталаридан топиш мумкин бўлгани билан мутахассислар томонидан табиий пишиб етиладиган мавсумда ейиш тавсия қилинади. Чунки табиий ёруғлик, иссиқлик ва намликда ушбу маҳсулотда озуқа моддалари тўпланади. Иссиқхонада пишиб етилган помидор табиий пишгани сингари витамин ва фойдали моддаларга бой бўлмайди. Harper’s Bazaar нашри ушбу маҳсулотнинг фойдали хусусиятлари нимадан иборат эканига тўхталади.
Фойдали жиҳатлари
Помидор ўзининг бой таркиби туфайли юрак қон томир касалликларининг олдини олади. Ликопиннинг манбайи бўлган ушбу маҳсулот энг яхши антиоксидант ҳисобланади ва артериал қон босимининг меъёрлаштириш, атеросклерозни ривожланишига тўсқинлик қилиш ҳамда қондаги «ёмон холестеринни» камайтириш хусусиятига эга.
Помидор қондаги қанд миқдорини назорат қилади, инсон ўзини яхши ҳис қилишига ҳисса қўшиб очлик, қандли диабет ҳамда бошқа сурункали касалликларни олдини олади. Ушбу маҳсулот таркибида C витамини миқдори лимондагидан ҳам кўпроқ бўлади. Ушбу витамин тўқима ҳужайралари, милк, қон томир ҳамда тиш суякларининг ўсиши ва тикланиши учун муҳим саналиб, иммунитетни мустаҳкамлайди. Антиокислитель ва яллиғланишга қарши хусусиятга эга бўлган C витамини ҳужайраларни шикастланишдан ҳимоя қилиб, қариш жараёнини секинлаштиради.
Помидорни мунтазам истеъмол қилиш тери ҳолатига ҳам ижобий таъсир кўрсатади. Айниқса, ёзга хос бўлган жазирама кунларида қуёшнинг ультрабинафша нурларидан зарарланиш эҳтимоли юқори. Ушбу маҳсулот пулпасида картаноидларнинг бойлиги, терини кенг спектрли ультрабинафша нурларидан ҳимоя қилади. Аммо бу SPF-кремларни қўлламаса ҳам бўлади дегани эмас.
Помидор, ҳазм қилиш тизими учун аҳамиятли бўлган клечатканинг кони. Унинг истеъмолидан кейин ичаклар пересталтикаси ва овқат ҳазм бўлиши яхшиланишига сабаб бўлади. Бу эса ўз навбатида тери саломатлиги ва инсон кайфиятига яхши таъсир кўрсатади.
Помидорни қандай истеъмол қилиш мақсадга мувофиқ?
Ишониш қийин бўлишига қарамасдан исботланган факт, помидорга термик ишлов берилганида унинг фойдалилик хусусияти барра ҳолдагисидан-да, юқори бўлади. Бунинг иккита сабаби бор биринчиси помидорнинг итузумдошлар оиласига мансуб экани билан боғлиқ бўлиб, ушбу оилага мансуб маҳсулотлар, организм учун зарар бўлган алкалоид соланинни ўз ичига олади. Помидорларга термик ишлов берилганида эса унинг миқдори камаяди. Таркибида мўл-кўл бўлган табиий антиоксидант — ликопиннинг концентрацияси эса юқори ҳароратда янада ортади ва бу иккинчи сабаб ҳисобланади. Шунинг учун ҳам помидорни барра ҳолидан кўра ўз қўлингиз билан томат соуси қилиб ёки шунчаки печда ё бўлмаса грилда пишириб истеъмол қилиш тавсия қилинади.
Изоҳ (0)