Гарвард университети тадқиқотчиларининг фикрича, соғлом овқатланишнинг ярми мева ва сабзавотдан иборат бўлиши керак. Истеъмолчилар учун фойдали туйилган озуқалар танага салбий таъсир кўрсатиши мумкин, улар ҳақида аниқ маълумотга эга бўлиш эса самаралидир.
- Картошка — афсуски, ёғда қовурилмаган бўлса-да, зарарли. Крахмал қонда қанд миқдорини оширади ва қуёшда қалин пўсти ишлаб чиқарадиган соланин (заҳарли модда, одам организмига кирганда кучли заҳарланиш ҳолатини келтириб чиқаради) моддаси асаб тизимига салбий таъсир кўрсатади. Шунингдек, картошка юқори гликемик индексга эга, яъни уларнинг энергияси танага жуда тез сингади. Шу туфайли ҳам картошка истеъмолидан сўнг инсон дарров ўзида очлик ҳиссини сезади ва модда алмашинуви жараёни бузилади.
- Бақлажон — соланин моддасига бой бўлган яна бир сабзавот. Маҳсулот қанча кўп пиширилса, зарарли томонлари ҳам шунча кўпайиб бораверади. Айниқса, бақлажон пиширилаётганда ўзининг салбий хусусиятларини кўрсатади. Бундан халос бўлиш учун бақлажонни овқатга олишдан аввал тузли сувда ивитилади. Бундан ташқари, бақлажонни қуриш жараёнида фойдали жиҳатлари йўқолиб, фақат токсинлар мавжуд бўлади.
- Майданоз (петрушка) ва исмалоқ — ушбу кўкат бошқаларига қараганда нитратни тезроқ сингдиради. Умуман олганда, таносил касалликлари юзага келмаслиги учун юқоридаги маҳсулотлардан эҳтиёт бўлиш керак.
- Булғори қалампири — агар бўғинларда муаммо бўлса, ушбу маҳсулотдан узоқроқ бўлган яхши. Бундан ташқари унинг таркибида организм учун зарарли ҳисобланган соланин моддаси бор.
Изоҳ (0)