Андижон вилоятида университетга киритиш эвазига 2 минг доллар олган кафедра доценти фирибгарлик устида ушланди, дея «Дарё»га хабар бермоқда Бош прокуратура.
Маълум қилинишича, тезкор тадбир Бош прокуратура ҳузуридаги Иқтисодий жиноятларга қарши курашиш департаменти ва ДХХнинг Андижон вилоят бошқармалари томонидан ҳамкорликда ўтказилган.
Унда Андижон давлат тиббиёт институти кафедра доценти Г.Қ. дастлаб фуқаро Ш.Б.ни мазкур институтга ўқишга киритиб қўйишга ваъда бериб, 8 минг доллар талаб қилган. Бироқ ҳозирда институтга ҳужжатларни топшириш муддати ўтганлигини маълум қилиб, Қирғизистоннинг Ўш давлат университетига ўқишга киритиб қўйиш эвазига талаб қилинган пуллардан 2 минг долларини олган вақтида ашёвий далиллар билан ушланган.
Мазкур ҳолат юзасидан кафедра доценти Г.Қ.га нисбатан Жиноят кодексининг 168-моддаси 1-қисми (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)