Andijon viloyatida universitetga kiritish evaziga 2 ming dollar olgan kafedra dotsenti firibgarlik ustida ushlandi, deya “Daryo”ga xabar bermoqda Bosh prokuratura.
Ma’lum qilinishicha, tezkor tadbir Bosh prokuratura huzuridagi Iqtisodiy jinoyatlarga qarshi kurashish departamenti va DXXning Andijon viloyat boshqarmalari tomonidan hamkorlikda o‘tkazilgan.
Unda Andijon davlat tibbiyot instituti kafedra dotsenti G.Q. dastlab fuqaro Sh.B.ni mazkur institutga o‘qishga kiritib qo‘yishga va’da berib, 8 ming dollar talab qilgan. Biroq hozirda institutga hujjatlarni topshirish muddati o‘tganligini ma’lum qilib, Qirg‘izistonning O‘sh davlat universitetiga o‘qishga kiritib qo‘yish evaziga talab qilingan pullardan 2 ming dollarini olgan vaqtida ashyoviy dalillar bilan ushlangan.
Mazkur holat yuzasidan kafedra dotsenti G.Q.ga nisbatan Jinoyat kodeksining 168-moddasi 1-qismi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Andijonda mansabdor shaxs 15 ming dollar pora olayotganda qo‘lga tushdi
- Jizzaxda Lada Largus hamda Isuzu yuk mashinasi ishtirokida YTH sodir bo‘ldi. Yengil mashinadagi ikki nafar yo‘lovchi vafot etgan
- Yakkasaroyda xitoylik ayolning 5000 AQSh dollari, 2 million so‘m pulini talon-toroj qilgan shaxslar qo‘lga olindi
Izoh (0)