Ўзбекистон Президенти Шавкат Мирзиёев 2020 йилнинг декабрь ойида Жанубий Кореяга ташриф буюриши кутилмоқда. Бу ҳақда ўз манбаларига таяниб, The Korea Times хабар берди.
Жанубий Корея Иқтисодиёт ва молия вазирлигидаги расмийнинг маълум қилишича, Ўзбекистон Президентининг ташрифи 2020 йил сентябрь ойига режалаштирилганди. Бироқ ташриф COVID-19 пандемияси сабабли декабрь ойига қолдирилган.
Нашр манбасига кўра, икки мамлакат ўртасида эркин савдо тўғрисида келишув имзолашга имкон берувчи иқтисодий омилларни аниқлаш бўйича ўрганиш ишлари ҳам олиб борилмоқда.
Эслатиб ўтамиз, Шавкат Мирзиёевнинг Жанубий Кореяга сафар қилиши режалаштирилгани ҳақида 13 апрель куни икки мамлакат раҳбари ўртасида бўлиб ўтган телефон орқали мулоқотдан кейин маълум бўлганди.
Изоҳ (0)