Ўзбекистонда жорий этилган карантин чекловлари босқичма-босқич юмшатилади. Бу ҳақда Президенти Шавкат Мирзиёев 10 август куни бўлиб ўтган йиғилишда маълум қилди.
Хабар берилишича, видеоконференцалоқа шаклида ўтган тадбир бошида давлат раҳбари коронавирус пандемияси билан боғлиқ вазиятга тўхталиб ўтди.
Хусусан, барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакат бўйича коронавирусдан соғайиш кўрсаткичи ошгани қайд этилди.
Шунингдек, фуқаролар ҳаёти ва соғлиғи ҳимоясини янада кучайтирган ҳолда пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлиги таъкидланди.
Аввалроқ Ўзбекистонда масжидлар 15 августдан сўнг очилиши кутилаётгани ҳақида хабар берилганди.
Шунингдек, Ўзбекистонда карантин чоралари босқичма-босқич бекор қилиниши ҳақида аввалроқ Сенат раиси Танзила Норбоева ҳам гапирганди.
Изоҳ (0)