O‘zbekiston Prezidenti Shavkat Mirziyoyev 2020-yilning dekabr oyida Janubiy Koreyaga tashrif buyurishi kutilmoqda. Bu haqda o‘z manbalariga tayanib, The Korea Times xabar berdi.
Janubiy Koreya Iqtisodiyot va moliya vazirligidagi rasmiyning ma’lum qilishicha, O‘zbekiston Prezidentining tashrifi 2020-yil sentabr oyiga rejalashtirilgandi. Biroq tashrif COVID-19 pandemiyasi sababli dekabr oyiga qoldirilgan.
Nashr manbasiga ko‘ra, ikki mamlakat o‘rtasida erkin savdo to‘g‘risida kelishuv imzolashga imkon beruvchi iqtisodiy omillarni aniqlash bo‘yicha o‘rganish ishlari ham olib borilmoqda.
Eslatib o‘tamiz, Shavkat Mirziyoyevning Janubiy Koreyaga safar qilishi rejalashtirilgani haqida 13-aprel kuni ikki mamlakat rahbari o‘rtasida bo‘lib o‘tgan telefon orqali muloqotdan keyin ma’lum bo‘lgandi.
Izoh (0)