«Avto.ru» сайтида 1968 йилда ишлаб чиқарилган «ZAZ-965» модели 1,55 миллион рубль (21,7 минг доллар) нархда сотувга қўйилди. Шундай қилиб, ушбу моделнинг нархи 1960 йилларда бозорда сотувга чиққан вақтидан буён 86 баробарга қимматлашган, деб хабар беради Motor.
Нархнинг юқорилиги «Запорожец» ҳолатининг яхшилиги билан изоҳланмоқда: у бирор марта реставрация қилинмаган, оригинал эҳтиёт қисмлари алмаштирилмаган. Автомобильга ҳаво ёрдамида совитиладиган 887 сантиметр кубли мотор ўрнатилган.
Таъкидланишича, 1960 йиллар бошида «Запорожец»ни 18 минг рублга (1961 йилги деноминацияга қадар) харид қилиш мумкин бўлган. Бу эса «Auto.ru» орқали сотувга қўйилган модель нархидан 86 баробарга арзон демак.
«ZAZ-965» модели 322 нусхада турли модификацияларда ишлаб чиқарилган.
Аввалроқ Москвада 27 йиллик «Запорожец» Lada Granta нархида сотувга қўйилгани тўғрисида хабар берилганди.
Мавзуга доир: Видео: 25 йил гаражда ҳаракатсиз турган «Запорожец»
Изоҳ (0)