Наманган вилояти Учқўрғон туманида Matiz автомобили велосипед бошқариб келаётган фуқарони уриб юборди. Бу ҳақда ИИВ ЙҲХББ ахборот хизмати хабар берди.
Маълумотларга кўра, 30 июль куни Учқўрғонда Matiz автомашинасини бошқариб кетаётган ҳайдовчи ҳаракат хавфсизлигини таъминлай олмай, қарама-қарши йўналиш бўйлаб велосипед бошқариб келаётган уриб юборган.
Натижада велосипедчи тан жароҳати олиб шифохонага ётқизилган. Бироқ кўрсатилган тез тиббий ёрдамга қарамай жабрланувчи вафот этган.
Ҳозирда ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 2-қисми («Транспорт воситалари ҳаракати ёки улардан фойдаланиш хавфсизлиги қоидаларини бузиш») билан жиноят иши қўзғатилган.
Аввал Қашқадарё вилоятининг Яккабоғ туманида содир бўлган йўл-транспорт ҳодисаси оқибатида 13 ёшли Ғ.Т. исмли бола, Чироқчи туманида DAF XF 105 русумли юк автомашинаси ва Орландо тўқнашуви туфайли енгил машина ҳайдовчиси М.М. ва йўловчи Т.Ж. воқеа жойида вафот этгани, Қарши шаҳрида Сobalt ҳайдовчиси велосипед бошқариб кетаётган 30 ёшли аёлни уриб юборгани, жабрланувчи воқеа жойида ҳалок бўлгани ҳақида хабарлар берилган.
Изоҳ (0)