Навоий вилоятининг Қизилтепа туманида ҳайдовчининг айби билан содир бўлган ЙТҲда бир нафар фуқаро вафот этди. Бу ҳақда «Дарё»га Навоий вилоят ИИБ ЙҲХБ матбуот гуруҳи катта инспектори Фарруҳ Якубов хабар берди.
Воқеа 2020 йилнинг 28 июль куни соат тахминан 19:30 ларда Қизилтепа тумани ҳудудидан ўтувчи 4Р-65 автомобиль йўлининг 3-километрида содир бўлган.
Туманнинг «Арабхона» маҳалласида яшовчи фуқаро Ҳ.Ш. бошқарувидаги Nexia машинасида пиёда П.Қ.ни уриб юборди. Йўл-транспорт ҳодисаси натижасида П.Қ. оғир тан жароҳати олиб, тезкор ёрдам берилишига қарамай шифохонада вафот этди.
Ҳайдовчининг ҳужжатлари кўздан кечирилганда, унинг ҳайдовчилик гувоҳномасига эга бўлмагани ва автомашинани бошқаришга уқуви йўқлиги маълум бўлган.
Мазкур ҳолат юзасидан ҳайдовчига нисбатан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Тергов ҳаракатлари давом этмоқда.
Аввалроқ Чинозда Cobalt ва Lacetti тўқнашиши оқибатида бир киши ҳалок бўлгани, Жиззахда Cobalt 4 ёшли болани, Malibu мактаб ўқувчисини уриб юборгани ҳақида хабар берилганди.
Мавзуга доир:
- Жаслиқда содир бўлган ЙТҲ оқибатида Volvo ва ДАФ юк машиналари ёниб кетди, бир ҳайдовчи вафот этди
- Наманганда транспорт ҳаракати чекланган кунда Cobalt ва тез ёрдам машинаси тўқнашди. Бир киши ҳалок бўлди
- Қорақалпоғистонда туман ИИБ бошлиғи хизмат машинасида пиёдани уриб юбориши оқибатида 23 ёшли йигит ҳалок бўлди
Изоҳ (0)