Россиялик видеоблогерлар совет даврига тегишли 150 га яқин турли моделдаги автомобиллар ўрин олган гаражни топиб олди, деб хабар беради Carakoom.
Гараждаги машиналарнинг айримлари — жуда ноёб. Коллекциядаги автомобиллар ҳолати турлича. Айримлари қанчадир муддат олдин қайта тикланган бўлса, баъзилари конвейрдан чиққанидан буён ўз ҳолатини ўзгартирмаган, яна бир қисми эса — сочилиб ётибди.
Автомобильлар ёнма-ён тахланган бўлиб, уларнинг устида қалин чанг қатлами мавжуд. Шу билан бирга, баъзи моделлар яхши шароитда сақланишга ҳақли. Масалан, бу ерда «ГАЗ-22»нинг бир нечта модели жойлашган бўлиб, у ҳозирги кунда жуда ноёб ҳисобланади. Шунингдек, салкам 1100 нусхада чиқарилган «ГАЗ-14» — «Чайка» ҳам мавжуд.
Бундан ташқари, коллекциядан Lada Riva ва «Москвич-408П» ҳам ўрин олган — уларда рул қисми ўнг томонда жойлашган. Бироқ улар орасида энг қадрлиси — Собиқ Иттифоқ Олий Кенгаши президиуми раиси Леонид Брежневнинг махсус алоқа автомобили вазифасини ўтаган «ЗИЛ-118К» микроавтобуси. Тахминларга кўра, бу каби автомобиль нархи 35 миллион рублга (490 минг доллар) баҳоланиши мумкин.
Видеода мазкур автомобиллар коллекцияси кимга тегишлиги эканлиги тўғрисида маълумот берилмаган.
Аввалроқ АҚШдаги омборларнинг биридан 2 минг нусхада ишлаб чиқарилган ноёб Maserati топилгани тўғрисида хабар берилганди.
Изоҳ (0)