Volkswagen компанияси Mini-Camper номини олувчи модификацияга учраган янги Caddy моделини тақдим этди. Мазкур янги модель саёҳат учун барча зарурий нарсалар ҳамда икки метрли каравот билан жиҳозланади, деб хабар қилади Motor.
Caddy базасидаги ғилдираклар устидаги уй ўлчами жиҳатидан California ва Grand California орасидаги моделга айланади. Янги модель панорамали том қисмига эга бўлиб, уни зарурат туғилса қорайтириб қўйиш мумкин. Шунингдек, машина бир қатор электрон ассистентлар жамланмасига эга бўлган. Хусусан, Travel Assist «круиз-контрол» ва тиркама ёрдамида орқага юришни осонлаштирувчи Trailer Assist, бундан ташқари, эшик очилганида орқа тарафдан бошқа машинанинг яқинлашаётгани тўғрисида хабар берадиган функциялар билан жиҳозланган.
ВW Caddy Mini-Camper’га 75, 102 ва 122 от кучига эга 2,0 литрли дизель двигателлари ўрнатилади. Муқобил вариант сифатида 116 от кучига эга бензин мотор ҳам таклиф этилади. Узатмалар қутиси — олти поғонали «механика» ёки етто поғонали DSG «робот».
Volkswagen Caddy’нинг янги авлоди 2020 йилнинг февралида тақдим этилган бўлиб, бу сўнгги 16 йил ичидаги энг кенг кўламли моделга айланди.
Изоҳ (0)