Мексикада коронавирус оқибатида вафот этганлар сони 46,6 минг кишидан ошиб кетди. Бу ҳақда мамлакат соғлиқни сақлаш вазири ўринбосари Уго Лопес-Гател ўзининг Twitter’даги саҳифаси орқали маълум қилди.
31 июль ҳолатига кўра, Мексикада коронавирус билан касалланганлар сони 424 637 кишига етган. Мамлакатда ҳозирга қадар 276 618 бемор касалликдан соғайган бўлса, 46 688 киши COVID-19 қурбонига айланган.
Жонс Ҳопкинс университети маълумотларига кўра, Мексика коронавирус қурбонлари сони бўйича Буюк Британияни ортда қолдириб, 3-ўринга кўтарилиб олган. Айни вақтда Британияда COVID-19 оқибатида вафот этганлар сони 46 204 кишини ташкил этмоқда.
Коронавирус оқибатида вафот этганлар сони бўйича дунёда биринчи ўринда АҚШ кетмоқда — 153,4 мингдан ортиқ. Ундан кейинги ўринни 92,4 минг қурбон билан Бразилия эгаллаган.
Аввалроқ ЖССТ дунёда коронавирус билан касалланиш бўйича кунлик рекордни қайд этгани тўғрисида хабар берилганди. 31 июль куни бутун дунёда COVID-19 билан касалланганлар сони 292 527 кишига ортган.
Изоҳ (0)