Коронавирусга қарши курашиш штаби аъзоси Севара Убайдуллаева аҳолидан келиб тушган коронавирус инфекцияси ичимлик сувидан юқиши борасидаги саволга аниқлик киритди.
«Кўплаб ўтказилган тадқиқотлар натижасида ичимлик сувида коронавирус 8-12 соат давомида сақланиб туради. Бироқ, шу билан биргаликда, айтишимиз керакки, Жаҳон соғлиқни сақлаш ташкилоти ҳам бир неча бор ушбу касаллик фақат ҳаво-томчи йўли билан юқишини таъкидлаб келмоқда. Бироқ бугунги кунда вируснинг сувдан инсонга юқиши тасдиқланмаган. Шу сабабли ҳам биз у ичимлик сувидан юқади, деб айта олмаймиз», — дейди мутахассис.
Эслатиб ўтамиз, аввалроқ коронавирусга қарши кураш штаби 4 кун томоқни туз ва сирка билан чайиш ҳақидаги хабарни рад этган бўлса, Нурмат Отабеков Хитойдан Ўзбекистонга юборилган тестларда вирус йўқлигини билдирган, Ўзбекистон соғлиқни сақлаш вазирлиги пиёз коронавирусни ўлдириши ҳақидаги хабарларни сафсата деб атаган, «дока ниқоб спирт билан намлаб тақиб юрилса, коронавирус юқмайди» мазмунидаги гап-сўзлар асоссизлиги, Бош давлат санитария инспектори саримсоқ пиёз ҳам антибактериал, ҳам антивирус препарат эмаслигини билдирилган эди.
Изоҳ (0)