Қирғизистонда ўтган бир сутка ичида 17 киши коронавирус ва пневмониядан вафот этди, Қозоғистонда эса яна 1472 кишида COVID-19 аниқланди

Қозоғистонда ўтган бир сутка ичида яна 644 кишида коронавирус аниқланди, шунингдек, 828 кишида касалликнинг белгисиз ҳолати қайд этилган. Умумий ҳисобда бир сутка давомида COVID-19 қайд этилган беморлар сони 1472 кишини ташкил этган, деб хабар беради Tengrinews.

Коронавирусга чалиниш бўйича янги ҳолатлар қуйидаги ҳудудларда аниқланган (умумий/белгисиз):

• Нур-Султон — 226 / 104;
• Олмаота — 208 / 107;
• Чимкент — 55 / 34;
• Ақмўла вилояти — 59 / 36;
• Ақтўбе вилояти — 24 / 13;
• Олмаота вилояти — 69 / 46;
• Атирау вилояти — 64 / 52;
• Шарқий Қозоғистон вилояти — 211 / 66;
• Жамбил вилояти — 52 / 24;
• Ғарбий Қозоғистон вилояти — 79 / 46;
• Қарағанда вилояти — 107 / 25;
• Костанай вилояти — 67 / 19;
• Қизилўрда вилояти — 54 / 30;
• Манғистов вилояти — 44 / 8;
• Павлодар вилояти — 65 / 14;
• Шимолий Қозоғистон вилояти — 65 / 4;
• Туркистон вилояти — 23 / 16.

Бутун мамлакат бўйлаб коронавирусга чалинганлар сони 87 664 кишига етган. Ҳозирга қадар 57 815 киши соғайган. Расмий статистикада вафот этганлар сони 793 кишини ташкил этмоқда.Қирғизистонда 30 июль ҳолатига кўра, коронавирус ва шифохонадан ташқарида юқтирилган пневмония билан касалланиш бўйича яна 631 та ҳолат қайд этилди, деб хабар беради Kloop.

Коронавирусга чалинган янги касалларнинг 118 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 81;
• Ўш шаҳри — 89;
• Ўш вилояти — 74;
• Иссиқкўл вилояти — 94;
• Жалолобод вилояти — 85;
• Норин вилояти — 13;
• Талас вилояти — 27;
• Боткен вилояти — 50.

Мамлакатда пандемия бошланганидан буён COVID-19 ва касалхонадан ташқарида юқтирилган пневмонияга чалинганларнинг умумий сони 35 143 кишига етган. Коронавирус ва пневмония билан касалланганларга оид статистика умумийлаштирилгач, уларнинг сони ортиб кетган.

Бундан ташқари, Соғлиқни сақлаш вазирлиги томонидан ўтган бир сутка ичида 17 киши коронавирус ва пневмониядан вафот этгани қайд қилинган. Республикада пандемия бошланганидан буён вафот этганлар сони 1364 кишига етди. Ҳозирга қадар 24 474 нафар бемор соғайган.

Жонс Ҳопкинс университети маълумотларига кўра, Афғонистонда коронавирус билан касалланганлар сони 36 471 кишига етган.

Бутун мамлакат бўйлаб коронавирусдан ҳозирга қадар 25 389 бемор тузалди. Умумий ҳисобда 1271 киши касаллик оқибатида вафот этган.

Тожикистонда коронавирус билан касалланганлар сони 7329 кишига етди, деб хабар беради «РИА Новости».

Мамлакат Соғлиқни сақлаш вазирлигининг маълумотларига кўра, республикада ўтган сутка давомида яна 44 кишида коронавирус аниқланган.

Мамлакатда ўтган бир сутка ичида 38 кишига шифохонадан жавоб берилган. Тожикистонда ҳозирга қадар 60 киши COVID-19 қурбонига айланган, 6103 бемор (83,3 фоиз) соғайган.

Ўзбекистонда 30 июль соат 10:00 ҳолатига кўра коронавирус инфекцияси қайд этилганлар 22 872 нафарга етди. Айни пайтда мамлакатда 12 937 нафар коронавирус инфекциясига чалинган фуқаро (57 фоиз) соғайган. Соғлиқни сақлаш вазирлиги ҳисобига кўра, мамлакатда коронавирус оқибатида вафот этганлар сони 132 кишига етган.