Жонс Ҳопкинс университети маълумотларига кўра, АҚШда коронавирус билан касалланиш натижасида 150 мингдан ортиқ одам вафот этган, дея хабар берди «РБК».
Мамлакатда ушбу касалликка чалинганларнинг умумий сони 4,4 миллионга етди. Касалликларни назорат қилиш ва профилактика марказларининг сўнгги маълумотларига кўра, охирги суткада мамлакатда 59,8 мингта янги ҳолат ва мингдан ортиқ ўлим қайд этилган.
The New York Times газетаси маълумотларига кўра, июнь ойининг охиридан бошлаб АҚШда коронавируснинг янги тўлқини кузатилган. Касалликка чалинганларнинг суткалик рекорд 16 июль куни қайд этилган. Бу кунда АҚШда 75,6 минг кишида коронавирус аниқланган.
АҚШ президенти Дональд Трамп 22 июль куни АҚШ пандемия билан курашишидан олдин коронавирус билан боғлиқ вазият ёмонлашиши мумкинлигини айтган эди. У фуқароларни ҳимоя ниқобларини кийишга чақирган.
Унинг ўзи биринчи марта 12 июль куни жамоатчилик қаршисида тиббий ниқобда кўриниш берди. Бунгача президент ниқоб кийишга сабаб кўрмаганлигини ва бу унинг мақомига мос келмаслигини айтган эди.
Изоҳ (0)