Ўзбекистон ҳукуматнинг тегишли фармойишига асосан «Саховат ва кўмак» жамғармаси орқали ижтимоий ҳимояга муҳтож оилаларга моддий ёрдам тарқатилади, деб хабар беради ЎзА.
Маълум қилинишича, бунинг учун Инқирозга қарши курашиш жамғармаси маблағлари ҳисобидан жами 150 миллиард сўм ажратилиши белгиланган.
Ушбу маблағ ҳудудлар кесимида қуйидагича тақсимланди:
- Қорақалпоғистон Республикаси — 10 миллиард;
- Андижон вилояти — 10 миллиард;
- Бухоро вилояти — 10 миллиард;
- Жиззах вилояти — 5 миллиард;
- Қашқадарё вилояти — 20 миллиард;
- Навоий вилояти — 5 миллиард;
- Наманган вилояти — 10 миллиард;
- Самарқанд вилояти — 10 миллиард;
- Сурхондарё вилояти — 10 миллиард;
- Сирдарё вилояти — 5 миллиард;
- Тошкент вилояти — 10 миллиард;
- Фарғона вилояти — 10 миллиард;
- Хоразм вилояти — 10 миллиард;
- Тошкент шаҳри — 25 миллиард.
Аввалроқ Қашқадарёда 20 мингта эҳтиёжманд оилага бир миллион сўмдан нақд пул тарқатилгани ҳақида хабар берилганди.
Эслатиб ўтамиз, «Саховат ва кўмак» жамғармаси ҳисобидан 30 мингта муҳтож оила куз—қиш мавсумида озиқ-овқат ва дори-дармон билан таъминланиши тўғрисида хабар берилганди.Апрель ойида «Хавфсиз ёрдам» лойиҳаси доирасида Ўзбекистондаги ижтимоий ҳимояга муҳтож минг нафар аёлга 1 миллион сўмдан ўтказиб берилган эди.
Изоҳ (0)