Британиянинг Rolls-Royce маркаси ўзининг янги авлод Ghost седанини салон ичидаги инсонларни бактерия ва вируслардан ҳимоя қилишга қодир иқлим тизими билан жизоҳлайди. Бу ҳақда компания пресс-релизида сўз боради.
MEPS’нинг ишлаш принципи юқори сезувчан датчикларга асосланган бўлиб, улар ҳаводаги зарарли моддалар сонини ўлчайди: ис гази ва чанглар, шунингдек, айрим бактерия ва вирусларни.
«Салондаги ҳавонинг ифлосланиш даражаси ошиб кетса, электроника рециркуляция режими ишга туширади. Бунда ҳаво Nanofleece фильтри орқали ўтади ва ундаги деярли барча ультрамайда зарралар, вирус ва бактериялар йўқ қилинади», — дейилади хабарда.
Аниқлик киритилишича, фильтр автомобиль салонидаги ҳавони ўртача икки дақиқада тозалашга қодир.
MEPS’ни масофадан туриб бошқарса ҳам бўлади: Ghost ҳайдовчиси ҳаво фильтрини мобил илова орқали ёқиб, йўловчи келгунига қадар салонни тайёр ҳолга келтириб қўйиши мумкин.
Янги седан 2020 йилнинг сентябрида тақдим этилади.
Март ойида Хитой компанияси коронавирус сабаб машина калитларини харидорларга дронлар ёрдамида етказиб беришни йўлга қўйгани тўғрисида хабар берилганди.
Изоҳ (0)