Автомобиль учун янги шиналарни харид қилиш — бу доимо кишини ўзига тортадиган ҳодиса бўлиб келган. Ахир олдинда янги ҳиссиётлар бор. Аммо оилавий хетчбекнинг ғилдирагини алмаштириш билан дунёдаги энг катта қишлоқ хўжалиги тракторникини алмаштириш ўртасида катта фарқ бор. YouTube’даги Welker Farms канали Big Bud тракторига янги шиналар ўрнатилгани тасвирланган роликни тақдим этди.
Big Bud 16V-747 дунёдаги энг машҳур тракторлардан бири ҳисобланади. Ягона нусхадаги ушбу трактор 1977 йилда Рон Хармон компанияси томонидан Калифорниядаги пахта фермаси учун, чуқур шудгор ишларини амалга ошириш мақсадида яратилган. Бу каби ишни фақатгина жуда кучли ва оғир трактор бажара олади, 1100 от кучига эга Big Bud 16V-747 эса бунга идеал даражада мос келади.
Big Bud ягона нусхада яратилгани сабаб унга ишлатиладиган эҳтиёт қисмларини топиш жуда қийин бўлган. Айниқса, дастлаб буюртма асосида яратилган, бироқ кейинчалик ёпилиб кетган Канаданинг United Tire Company шиналарини топиш қийинчилик туғдирган. Шунга қарамай, Williams Brotgers компанияси ёрдамга келиб, саккизта Goodyear LSW1400 / 30 R46 ғилдиракларини тақдим этган.
Изоҳ (0)