Канаданинг Янги Шотландия провинцияси полицияси белгиланган тезлик чегарасидан икки баробар тезроқ — соатига 232 километр тезликда ҳаракатланган ҳайдовчини жаримага тортиб, унинг Chevrolet Camaro’сини мусодара қилди, деб хабар беради Motor.
Янги Шотландия провинцияси полицияси умумий фойдаланишга мўлжалланган йўлда машина тезлигини белгиланган чегарадан икки баробар оширган ҳайдовчини қўлга олишга муваффақ бўлди. Исми ошкор этилмаган 43 ёшли ҳайдовчи 110 км/соат тезликда ҳаракатланишга рухсат этилган йўлда ўзининг Chevrolet Camaro’сини 232 км/соат тезликда ҳайдаб ўтган.
Полиция қоидабузарни тўхтатиб, унга йўл ҳаракатининг бошқа иштирокчиларига хавф туғдирадиган йўл ҳаракати қоидаларини қўпол равишда бузиш айблови қўйилган. Натижада канадалик Chevrolet Camaro’сидан маҳрум қилиниб, 2422,50 доллар жаримага тортилган.
Шу билан бирга, машина эгасига ҳайдовчилик гувоҳномасидан етти кун фойдаланиш тақиқлаб қўйилган.
Аввалроқ Италияда Ford Focus ҳайдовчисига машинани соатига 703 км тезликда ҳайдагани учун жарима келгани тўғрисида хабар берилганди.
Изоҳ (0)