Microsoft компанияси асосчиси, миллиардер Билл Гейтснинг таъкидлашича, COVID-19 беморларини даволашда ишлатиладиган антивирал (вирусга қарши) препаратлар туфайли коронавирус инфекциясидан ўлимлар 2020 йил охирига қадар сезиларли даражада камайиши мумкин. Бу ҳақда Meduza нашри хабар қилди.
«Сиз ҳимоя воситаларига қараганда терапевтик муолажаларнинг фойдасини кўпроқ кўришингиз мумкин», – деди Гейтс.
Гейтс, биринчи бўлиб COVID-19’ни даволашда етакчи дорилардан бири бўлган, Эбола вирусини даволаш учун ишлаб чиқилган «Ремдесивир» дорисини тилга олди. «Ремдесивир» анъанавий дорилар билан солиштирганда ўта оғир беморларда ўлимни 62 фоизга камайтирган. Бундан ташқари, Гейтснинг таъкидлашича, олимлар яна иккита антивирал препаратни ўрганмоқда.
Мавзуга доир: Трамп коронавирусни даволовчи «Ремдесивир» препаратининг деярли барча захирасини сотиб олаётганини тан олди
Июнь ойида Билл Гейтс одамларни COVID-19’га қарши эмлаш ниқоби остида микрочип қилиш ниятида бўлган фитна назариясини рад этди.
«Мен ҳеч қачон микрочип каби нарсалар билан шуғулланмаганман. Бунга раддия бериб ҳам бўлмайди, чунки бу жуда ғалати ва аҳмоқона», — деди миллиардер.
Изоҳ (0)