Американинг Moderna биотехнология компанияси коронавирусга қарши вакцинанинг бир курсини 50-60 доллар этиб белгилаш ниятида, бу ҳар бир доза учун тахминан 25-30 доллардан тўғри келади, деб хабар беради Financial Times газетаси.
Нашр манбаларининг маълум қилишича, бу каби нарх АҚШ ва аҳолисининг даромади юқори даражада бўлган мамлакатлар учун мўлжалланган.
Шу билан бирга, коронавирусга қарши вакцина яратиш билан шуғулланаётган бошқа компаниялар ўз дори воситаларини арзонроқ нархда сотишни режа қилган. Financial Times маълумотларга кўра, Американинг Pfizer ва Германиянинг BioNTtech компаниялари ўтган ҳафта АҚШ ҳукумати билан вакцина етказиб бериш бўйича келишувга эришган бўлиб, ўз дори воситалари дозасини 19,5 доллардан баҳолаган. Нидерландия, Германия, Франция ва Италияга вакцина етказиб бериш бўйича келишувга эришган Британия—Швециянинг AstraZeneca компанияси эса 3-4 доллар даражасида нарх белгилаган.
Газета манбаларининг сўзларига кўра, Moderna компанияси белгиланган нарх «музокараларда етарли даражада қийинчиликлар туғдиради». Шу сабабли эмлаш курсининг 50-60 долларли нархи ҳали ўзгариши мумкин.
Аввалроқ Moderna компанияси коронавирусга қарши вакцинаси синовининг учинчи — якуний босқичини бошлагани тўғрисида хабар берилганди. Клиник синовларда 30 минг киши иштирок этиши белгиланган.
Изоҳ (0)