Андижон вилоятида яшовчи фуқаро уйида синфдошлари билан ўтириш вақтида таниши билан жанжаллашиб кетиб, уни ўлдириб қўйган, дея хабар беради Тергов департаменти.
Қайд этилишича, 2020 йилнинг 5 июль куни соат 14:00 да 47 ёшли Ш.Ғ. таниши Д.А.нинг Шаҳрихон тумани Абдубий кўчасида жойлашган яшаш хонадонида бир неча нафар синфдоши билан спиртли ичимлик истеъмол қилиб, маст ҳолда 50 ёшли А.С. билан ўзаро гап тортишиб жанжаллашиб қолган.
Жанжал оқибатида ўтирган ҳолатда бўлган А.С.ни оёғи билан бўйин соҳасига бир маротаба тепган вақтида А.С. ҳушидан кетиб ҳодиса жойида вафот этган.
Ҳолат юзасидан Шаҳрихон тумани ИИБ ҳузуридаги Тергов бўлими томонидан Жиноят кодексининг 104-моддаси 3-қисми «д» банди (Жабрланувчининг ўлимига сабаб бўлган қасддан баданга оғир шикаст етказиш) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Изоҳ (0)