Қозоғистон соғлиқни сақлаш вазири Алексей Сой мамлакатда 3 августдан бошлаб карантин чоралари қай тарзда енгиллаштирилиши кутилаётганини маълум қилди, деб хабар беради Tengrinews.
Вазирнинг таъкидлашича, карантин чораларининг енгиллаштирилишига мамлакатда COVID-19 билан касалланиш ва ўлим даражасининг пасайиши, шунингдек, ҳафта давомида койка-ўринларнинг бандлиги 70 фоиздан ошмагани сабаб бўлади.
Бу каби ҳолатда қуйидаги объектлар фаолиятига рухсат берилади:
- савдо марказлари, савдо уйлари, кун ва вақтини чегаралаган ҳолда савдо тармоқлари, ёпиқ озиқ-овқат ва ноозиқ-овқат бозорлари;
- болаларни коррекциялаш кабинетлари, ўқув марказлари, болаларнинг ривожланиш марказлари, 5 кишидан ошмайдиган гуруҳларда тўгараклар;
- навбатчи гуруҳлар режимида мактабгача таълим муассасалари;
- гўзаллик салонлари, сартарошхоналар, косметик ва косметологик, маникюр ва педикюр хизматларини кўратувчи марказ ҳамда салонлар.
- ижтимоий масофаланишга риоя қилган ҳолда очиқ ҳавода индивидуал ва гуруҳ машғулотларни, шунингдек, 30 кишидан ошмаган ҳолда спорт бўйича миллий терма жамоа машғулотларини ўтказиш;
- аҳолининг кўчалар бўйлаб ҳаракатланиши, боғлар, сквер ва қирғоқ бўйларига ташриф буюриш — уч кишидан ошмаган гуруҳ ҳолида;
- Ниқоб, санитария ва дезинфекция режимига ва ўриндиқларнинг 50 фоиздан кўп бўлмаган қисмида йўловчиларни жамоат транспортларида белгиланган вақт оралиғида ташишга рухсат этилади.
- барча турдаги оммавий тадбирлар, кинотеатрлар, фуд-кордлар, банкет заллари.
- ресторанлар, барлар, тунги ва ўйин клублари;
- маданий объектлар, музейлар фаолияти, конференциялар, кўргазма ва форумлар ўтказиш;
- спорт заллари, фитнес-марказлар, бассейнлар, пляжлар, аквапарклар;
- диний объектлар фаолияти;
- шаҳар ташқарисига қатновчи йўловчи поездлари (электричка, иш поездларидан ташқари), умумий вагонларни шакллантириш, шаҳарлараро автобуслар (микроавтобуслар) ҳаракати.
Изоҳ (0)