Qozog‘iston sog‘liqni saqlash vaziri Aleksey Soy mamlakatda 3-avgustdan boshlab karantin choralari qay tarzda yengillashtirilishi kutilayotganini ma’lum qildi, deb xabar beradi Tengrinews.
Vazirning ta’kidlashicha, karantin choralarining yengillashtirilishiga mamlakatda COVID-19 bilan kasallanish va o‘lim darajasining pasayishi, shuningdek, hafta davomida koyka-o‘rinlarning bandligi 70 foizdan oshmagani sabab bo‘ladi.
Bu kabi holatda quyidagi obyektlar faoliyatiga ruxsat beriladi:
- savdo markazlari, savdo uylari, kun va vaqtini chegaralagan holda savdo tarmoqlari, yopiq oziq-ovqat va nooziq-ovqat bozorlari;
- bolalarni korreksiyalash kabinetlari, o‘quv markazlari, bolalarning rivojlanish markazlari, 5 kishidan oshmaydigan guruhlarda to‘garaklar;
- navbatchi guruhlar rejimida maktabgacha ta’lim muassasalari;
- go‘zallik salonlari, sartaroshxonalar, kosmetik va kosmetologik, manikyur va pedikyur xizmatlarini ko‘ratuvchi markaz hamda salonlar.
- ijtimoiy masofalanishga rioya qilgan holda ochiq havoda individual va guruh mashg‘ulotlarni, shuningdek, 30 kishidan oshmagan holda sport bo‘yicha milliy terma jamoa mashg‘ulotlarini o‘tkazish;
- aholining ko‘chalar bo‘ylab harakatlanishi, bog‘lar, skver va qirg‘oq bo‘ylariga tashrif buyurish — uch kishidan oshmagan guruh holida;
- Niqob, sanitariya va dezinfeksiya rejimiga va o‘rindiqlarning 50 foizdan ko‘p bo‘lmagan qismida yo‘lovchilarni jamoat transportlarida belgilangan vaqt oralig‘ida tashishga ruxsat etiladi.
- barcha turdagi ommaviy tadbirlar, kinoteatrlar, fud-kordlar, banket zallari.
- restoranlar, barlar, tungi va o‘yin klublari;
- madaniy obyektlar, muzeylar faoliyati, konferensiyalar, ko‘rgazma va forumlar o‘tkazish;
- sport zallari, fitnes-markazlar, basseynlar, plyajlar, akvaparklar;
- diniy obyektlar faoliyati;
- shahar tashqarisiga qatnovchi yo‘lovchi poyezdlari (elektrichka, ish poyezdlaridan tashqari), umumiy vagonlarni shakllantirish, shaharlararo avtobuslar (mikroavtobuslar) harakati.
Izoh (0)