Июль ойида 1,8 миллиондан ортиқ қозоғистонлик 42,5 минг тенгедан ёрдам пулини олди. Бу ҳақда Қозоғистон Меҳнат ва аҳолини ижтимоий ҳимоя қилиш вазирлигига таяниб, Tengrinews хабар берди.
Маълум қилинишича, 28 июль ҳолатига кўра, 42 500 тенге олиш бўйича 2,2 миллиондан ортиқ ариза:
- 822,1 минг киши тўловларни проактив тарзда тўланишига розилик берган;
- 554,3 минг киши «Egov.kz» портали ва Telegram-бот орқали ариза топширган;
- 287,6 минг киши — «42500.enbek.kz» портал орқали;
- 469,6 минг киши — мобил иловалар ва иккинчи даражали банкларнинг интернет-ресурслари орқали
Фуқаролар тоифаси кесимида:
- 822,1 минг ариза ягона ялпи тўлов тўловчилари томонидан (проактив шаклда);
- 170,4 минг ариза ёлланма ишчиларнинг иш берувчилари томонидан;
- 1,241 миллион ариза бошқа тоифадаги фуқаролардан келиб тушган (якка тартибдаги тадбиркорлар; хусусий амалиёт билан шуғулланувчи шахслар; фуқаролик шартномалари бўйича даромад оладиган шахслар).
Пул маблағларини ҳозирга қадар 1,8 миллион қозоғистонлик олган. Аризаларни қабул қилиш 1 сентябрга қадар давом этади.
Эслатиб ўтамиз, апрель ойида Қозоғистон ҳукумати коронавирус пандемияси туфайли юз берган фавқулодда вазиятда даромадларини йўқотган 2,7 миллиондан ортиқ одамга Давлат ижтимоий суғурта жамғармасидан нафақани тўлаб берган эди. Апрель охирларига келиб ҳукумат даромадини йўқотган фуқароларга 42 500 миқдоридаги ёрдам пулини иккинчи ой ҳам тўлаб бериши маълум бўлган.
Изоҳ (0)