Хитойда сўнгги суткада коронавирус билан касалланиш бўйича 68 та ва касаллик белгисиз ўтаётган 34 та ҳолат аниқланди, беморларнинг 16 нафари соғайди, деб хабар бермоқда «РИА Новости» Хитой Соғлиқни сақлаш миллий комиссиясига таяниб.
Аниқланган янги касалланиш ҳолатининг 64 таси мамлакатнинг ўзида (57 таси — Шинжон-Уйғур автоном ҳудудида, Ляонин провинциясида — 6 та, Пекинда — 1 та) қолган 4 таси четдан юқтирилган.
Мамлакатда умумий ҳисобда 83 959 киши коронавирусга чалинган, уларнинг 78 934 нафари соғайган, 4634 нафар бемор COVID-19 қурбонига айланган. Касалхонада 391 киши даволанишда қолмоқда.
Бир кун аввал Хитойда коронавирус билан касалланиш бўйича 61 та ва касаллик белгисиз ўтаётган 44 та ҳолат аниқланган эди.
Жанубий Кореяда эса сутка давомида 28 киши коронавирусга чалингани қайд этилиб, касалланганларнинг умумий сони 14 203 нафарга етди, деб хабар бермоқда «Regnum».Аниқланган янги касалланиш ҳолатларининг 23 тасида вирус четдан юқтирилган. Шу билан бирга, суткалик қайд этилган ҳолатлар кетма-кет иккинчи кун 30 кишидан пастроқ кўрсаткични қайд этди.
Касалликлар профилактикаси ва назорати маркази (КCDC) маълумотларига кўра, Жанубий Кореяда COVID-19’дан тузалганларнинг умумий сони 13 007 нафарга етган. Ўтган бир сутка ичида мамлакатда яна бир бемор коронавирусдан вафот этган. Шундай қилиб, Жанубий Кореяда COVID-19 қурбонлари сони 300 кишига етди.
Изоҳ (0)