Iyul oyida 1,8 milliondan ortiq qozog‘istonlik 42,5 ming tengedan yordam pulini oldi. Bu haqda Qozog‘iston Mehnat va aholini ijtimoiy himoya qilish vazirligiga tayanib, Tengrinews xabar berdi.
Ma’lum qilinishicha, 28-iyul holatiga ko‘ra, 42 500 tenge olish bo‘yicha 2,2 milliondan ortiq ariza:
- 822,1 ming kishi to‘lovlarni proaktiv tarzda to‘lanishiga rozilik bergan;
- 554,3 ming kishi “Egov.kz” portali va Telegram-bot orqali ariza topshirgan;
- 287,6 ming kishi — “42500.enbek.kz” portal orqali;
- 469,6 ming kishi — mobil ilovalar va ikkinchi darajali banklarning internet-resurslari orqali
Fuqarolar toifasi kesimida:
- 822,1 ming ariza yagona yalpi to‘lov to‘lovchilari tomonidan (proaktiv shaklda);
- 170,4 ming ariza yollanma ishchilarning ish beruvchilari tomonidan;
- 1,241 million ariza boshqa toifadagi fuqarolardan kelib tushgan (yakka tartibdagi tadbirkorlar; xususiy amaliyot bilan shug‘ullanuvchi shaxslar; fuqarolik shartnomalari bo‘yicha daromad oladigan shaxslar).
Pul mablag‘larini hozirga qadar 1,8 million qozog‘istonlik olgan. Arizalarni qabul qilish 1-sentabrga qadar davom etadi.
Eslatib o‘tamiz, aprel oyida Qozog‘iston hukumati koronavirus pandemiyasi tufayli yuz bergan favqulodda vaziyatda daromadlarini yo‘qotgan 2,7 milliondan ortiq odamga Davlat ijtimoiy sug‘urta jamg‘armasidan nafaqani to‘lab bergan edi. Aprel oxirlariga kelib hukumat daromadini yo‘qotgan fuqarolarga 42 500 miqdoridagi yordam pulini ikkinchi oy ham to‘lab berishi ma’lum bo‘lgan.
Izoh (0)