Лиссабоннинг молекуляр тиббиёт институти илк бор коронавирусни нейтраллаштириш хусусиятига эга бўлган ниқобларни тақдим қилди. Бу ҳақда La Razón газетаси 25 июль, шанба куни хабар берди.
Маълум қилинишича, бир неча марта ишлатиш имконини берувчи мазкур ниқоблар сув ўтказмайдиган бир неча қатламли махсус матодан тикилган. Ўтказилган синов натижасида ниқобнинг вирусдан ҳимоя қилишда самарали экани аниқланган.
Институт вакилларининг таъкидлашига қараганда, 50 марта ювилгандан кейин ҳам хусусиятини йўқотмайдиган ниқоб усти SARS-CoV-2 вирусини нейтраллаштириш хусусиятига эга инновацион қатлам билан қопланган. Тадқиқотчилар ниқобнинг вирусга нечоғлиқ чидамли эканини аниқлаш учун коронавирус молекуласидан ташкил топган эритмага солган ва орадан 1 соат ўтиб, 99 фоиз вирус ўз хусусиятини йўқотгани аниқланган.
Изоҳ (0)