Испаниялик олимлар оғиз бўшлиғи шиллиқ қаватида тошмаларнинг пайдо бўлиши коронавируснинг дастлабки аломати эканлигини маълум қилди, деб ёзади JAMA Dermatology.
Олимлар 21 нафар беморни кузатиш натижасида уларнинг 6 нафарида бу каби аломатларни аниқлаган. Тошма пуфакчали ёки доғ кўринишида бўлиши мумкин.
Шу билан бирга, COVID-19’нинг бошқа аломатлари тошмадан бир неча кун кейин пайдо бўлади. Шунингдек, ҳозирча мазкур аломат касаллар орасида қанчалик тарқалгани маълум эмас.
Бунга қадар олимлар Италияда коронавируснинг оғир шакли билан оғриган 18 нафар бемор терисида «эритематоз тошма» пайдо бўлганини аниқлаган.
Аввалроқ россиялик вирусологлар испаниялик шифокорларнинг COVID-19 беморидаги кўкаришлар юзасидан қилган хулосаларига баҳо бериб, бунинг COVID-19’га чалинганлик белгиси эканини аниқлаш учун қўшимча текширувлар ўтказиш талаб этилишини маълум қилганди.
Изоҳ (0)