Галле университети клиникаси олимлари (Германия) тўрт минг киши иштирокида тажриба ўтказади. Бу коронавирус инфекциясининг ёпиқ биноларда ўтказилган оммавий тадбирларда тарқалиш механизмини яхшироқ тушинишга ёрдам беради, деб ёзади IFLScience.

Мутахассислар 22 август куни Лейпцигда концерт ўтказиб, унга 18 ёшдан 50 ёшгача бўлган соғлом инсонларни жалб этиш ниятида. Улар тадбир бошланишидан 48 соат олдин COVID-19’га тест топширади.

Иштирокчиларга респираторлар ва флуорецсент антисептиклар тарқатилади. Бунинг ёрдамида экспертлар ташриф буюрган меҳмонлар қайси юзаларга кўпроқ тегинганини кузата олади.

Шунингдек, волонтёрларга электрон браслетлар ҳам тақдим этилади, бу уларнинг алоқа частотасини, ижтимоий масофаланишга қанчалик риоя қилганини қайд этиб боради. Қурилмадаги маълумотлар йиғилиб, вируснинг бир одамдан бошқага юқишини ўрганишга ёрдам берадиган компьютер модель яратилади.

Тажриба давомида учта сценарий бўйича иш олиб борилади. Биринчиси, одамларнинг бир-бири билан алоқаси моделлаштирилади, бироқ улар пандемияга қадар ниқоб тақишга мажбур бўлади. Иккинчисида эса, кўнгиллиларнинг ҳаракати назорат қилинади ва ижтимоий масофаланишга имкон қадар амал қилинади. Учинчи сценарийда иштирокчилар 1,5 метр оралиқ масофага риоя қилиши белгиланган.

«Пандемия кўнгилочар соҳани шол қилиб қўйди. Касалланиш хавфи бор экан, ҳеч қандай концерт, ярмарка ёки спорт тадбирлари ўтказилмайди. Шу сабабли қай йўсинда йўлга қўйилган техник ва ташкилий сценарий касаллик тарқалиши хавфини камайтиришга ёрдам беришини аниқлаш муҳим», — дейди Саксония-Анхальт иқтисодиёт вазири Армин Виллингман.

Аввалроқ америкалик биолог коронавирусга иммунитет борасида «ижобий ва салбий» хулосаларни маълум қилган эди.