Lissabonning molekulyar tibbiyot instituti ilk bor koronavirusni neytrallashtirish xususiyatiga ega bo‘lgan niqoblarni taqdim qildi. Bu haqda La Razón gazetasi 25-iyul, shanba kuni xabar berdi.

Ma’lum qilinishicha, bir necha marta ishlatish imkonini beruvchi mazkur niqoblar suv o‘tkazmaydigan bir necha qatlamli maxsus matodan tikilgan. O‘tkazilgan sinov natijasida niqobning virusdan himoya qilishda samarali ekani aniqlangan.

Institut vakillarining ta’kidlashiga qaraganda, 50 marta yuvilgandan keyin ham xususiyatini yo‘qotmaydigan niqob usti SARS-CoV-2 virusini neytrallashtirish xususiyatiga ega innovatsion qatlam bilan qoplangan. Tadqiqotchilar niqobning virusga nechog‘liq chidamli ekanini aniqlash uchun koronavirus molekulasidan tashkil topgan eritmaga solgan va oradan 1 soat o‘tib, 99 foiz virus o‘z xususiyatini yo‘qotgani aniqlangan.