Namanganning “Navbahor” futbol klubining bir nafar futbolchisi topshirgan test natijasi musbat ko‘rsatkich qayd etdi. Bu haqda Professional futbol ligasi (PFL) xabar bermoqda.
Ta’kidlanishicha, hozirda ushbu futbolchi jamoadan ajratilib, qat’iy o‘z-o‘zini yakkalash holatiga olingan.
Shu bois klubning boshqa futbolchi, xodimlari ham COVID-19’ga yana bir bor test topshirgani va ayni damda ular test javoblarini kutayotgani aytilmoqda.
Eslatib o‘tamiz, avvalroq “Buxoro”ning sakkiz nafar, “Paxtakor”ning besh nafar, “Surxon”ning ikki va “Bunyodkor”ning bir nafar o‘yinchisi koronavirusga chalingani to‘g‘risida xabar berilgandi. Shuningdek, Pro-Ligada qatnashadigan Samarqandning “Dinamo” klubining uch nafar futbolchisida koronavirus infeksiyasi borligi gumon qilinib, 15-iyul kuni “Xorazm”ga qarshi o‘tkazilishi kerak bo‘lgan bellashuv ham bekor qilingandi.
Izoh (0)