Футбол бўйича Франция Кубоги финалида ПСЖ ва «Сент-Этьен» жамоалари 24 июль, жума куни ўзаро баҳс юритди.
Учрашувнинг 14-дақиқасида Неймар парижликларни олдинга олиб чиқди. Биринчи бўлим ўрталарига келиб Килиан Мбаппе рақиб футболчиси билан тўқнашувда жиддий жароҳат олиб майдонни тарк этди. Уни қўполлик билан тўхтатиб қолган Лоик Перрен тўғридан-тўғри қизил карточкага лойиқ кўрилди.
Қолган вақтда ҳисоб ўзгармади ва ПСЖ 2019/20 йилги мавсум кубогини қўлга киритди.
Шу тариқа парижликлар 13 марта Франция Кубогида ғолиб чиқди ва бу борда рекордчи бўлиб турибди. Кейинги ўриндаги «Сент-Этьен» олти бор кубок ўйинида зафар қучган, шунингдек, «яшиллар» 4 марта финалда мағлуб бўлди.
ПСЖ коронавирус туфайли муддатидан аввал якунланган Лига 1 мусобақасида ҳам чемпионликни қўлга киритганди.
Франция Кубоги
Финал баҳси
24 июль, жума
ПСЖ — «Сент-Этьен» 1:0
Гол: 1:0 – 14 Неймар.ПСЖ: Навас, Керер (Дагба, 20), Маркиньос, Тиаго Силва, Баккер, Гуйе, Ди Мария, Паредес (Верратти, 75), Икарди, Мбаппе (Сарабия, 33), Неймар.
«Сент-Этьен»: Мулен, Колодзейчак, Перрен, Дебюши (Крассо, 83), Масон (Мукуди, 34), Мвила, Камара (Неу Нупа, 46), Будебуз (Норден, 75), Буанга, Амума (Ҳазри, 46), Фофана.
Огоҳлантиришлар: Масон (2), Баккер (29), Паредес (29), Амума (29), Мулен (29), Верратти (31), Маркиньос (35), Камара (37), Мвила (51), Фофана (90).
Четлатиш: Перрен (31).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)