ПСЖ ҳужумчиси Килиан Мбаппе Франция Кубоги финалидан ўрин олган «Сент-Этьенн»га қарши баҳсда (1:0) жароҳат олди.
Учрашувнинг 27-дақиқасида «Сент-Этьенн» футболчиси Лоик Перрен ўта қўпол қоида бузиш билан Мбаппени тўхтатиб қолди. Натижада 21 ёшли футболчи ўйинни давом эттира олмади ва майдонни тарк этди.
Ушбу тўқнашувдан кейин ҳар икки жамоа вакиллари ўртасида оммавий тортишув бошланиб кетди. Ҳакам видеотакрорлардан сўнг Перренга тўғридан-тўғри қизил карточка кўрсатди.
Бироз вақт ўтиб Мбаппе ҳассага таянган ҳолда захира ўриндиғига қайтди ва жамоаси билан совринни нишонлади.
ПСЖ футболчининг жароҳати борасида ҳали расмий маълумот бермади. Дастлабки тахминларга кўра, Килиан жиддий жароҳатдан қутулиб қолган. Якуний хулосалар тиббий кўрикдан кейин маълум бўлади.
Мазкур ўйинда ПСЖ Неймарнинг ягона голи эвазига ғалаба қозонди ва ўз тарихида 13 марта Франция Кубогига эга чиқди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)